• 958
• 2024-02-20

جبران باسيل : "يقولون لنا :بلاكم وبلا رئيس" / جريدة الايام الإلكترونية

رأى رئيس التيار الوطني الحر النائب جبران باسيل أن "الخطر متمثّل بعملية اقصاء المسيحيين بالتدرج عن الحكم، وعن الدولة ادارةً واقتصاداً، بدءاً من اختيار رئيس نيابةً عنهم او منع انتخاب الرئيس، وصولاً لانتهاك الدستور والميثاق وضرب الشراكة بالحكومة والمجلس النيابي".
باسيل أشار في كلمة له بعد اجتماع الهيئة السياسية للتيار إلى أن "القيمين على الحكومة يحكموا من دون رئيس جمهورية ومن دون المكوّن المسيحي، وهكذا يقولون لنا نقدر نحكم سنين بلاكم وبلا رئيس. واذا لم يعجبكم، اقبلوا بالرئيس الذي اخترناه لكم. يعني ما فارقة معهم لا نحنا ولا رئيس ولا شراكة ولا وحدة! غلطانين اذا مفكّرين بيمشي معنا هيك ومنسكت، او منصرّخ وما بيطلع منّا شي، وبالحالتين منتعوّد. غلطانين!".
وأضاف، "نحن مستعدون لفعل كل شيء لمّا وجودنا ودورنا وكرامتنا بيصيروا مهدّدين. سياسياً ونيابياً واعلامياً وقضائياً وشعبياً ونظامياً، وكل شي. بتغلطوا اذا بتفتكروا انّكم بتكرّسوا هيك أمر واقع ونحنا منتفرّج عليه... هلّق رح نبلّش قضائياً، واذا ما مشي الحال، مننتقل لشي ثاني، وكل نقلة او درجة رح تاخدنا لمكان أخطر بيزيد الانقسام وبيهدّد جدياً الوحدة الوطنية... والله يستر لوين منوصل بهيك اداء وتصرف من شركائنا في الوطن".
وعن مرسوم تعيين رئيس لاركان الجيش في مجلس الوزراء مؤخرا، بمعزل عن رأي وزير الدفاع، علق باسيل بالقول:" هلّق عم يفكّروا ما يصدّروا المرسوم بالرغم من وروده بقرار محلس الوزراء حتّى يتلافوا الطعن، ويمارس المعيّن مهامه من دون مرسوم. هيدا ابشع ورح نطعن بكل الأحوال! هيدا اسقاط للمادة 54 من الدستور: بيصيروا ياخدوا قرار مجلس الوزراء ويوضعوه موضع التنفيذ من دون مرسوم، يعني من دون توقيع لا رئيس جمهورية ولا رئيس حكومة ولا وزير... شو بيبقى ساعتها من الدولة؟. وتابع: -انتبهوا! الإصرار بالسير بهيك قرارات وسلوك هو نهاية وحدة لبنان، ونحنا رح نتعامل معه على هيدا الأساس.
جريدة الايام الإلكترونية. بيروت
الصورة بعدسة جورج الفغالي

• علامات:
• إقليمي ودولي